Egjipt, dy të vdekur dhe 15 të plagosur gjatë protestës në Kajro

09 April 2011 , Posted by artparadox at 1:05 PM


Dy persona janë vrarë ndër së paku 15 të tjerë janë plagosur në një protestë në kryeqytetin e Egjiptit, Kajro. Dhuna ka shpërthyer pas thirrjeve të protestuesve për gjykimin e ish presidentit Hosni Mubarak dhe dhënies fund të drejtimit të vendit nga ushtria. Plagët janë shkaktuar me armë zjarri por ushtria mohon të ketë përdorur ato. Zëdhënësi i ushtrisë është shprehur se janë përdorur vetëm plumba manovër.
Protestuesit kërkojnë që ish presidenti të dal në gjyq me akuzën për korrupsion. Forcat e sigurisë janë përpjekur të shpërndajnë egjiptianët e grumbulluar në shesh dhe nga përplasje duket se janë shkaktuar edhe viktimat. Protestuesit i kanë vënë zjarrin një automjeti. Al Jazeera raporton se numri i protestuesve po vjen në rritje. Ata kërkojnë që Këshilli i Lartë dhe Forcat e Armatosura të respektojnë kërkesat e tyre, duke nisur që nga ballafaqimi me ligjin për Mubarakun. Në javët e fundit aktivistët kanë akuzuar ushtrinë për arrestime arbitrare, për abuzim dhe për tortura ndaj të burgosurve.
Qendra "Tahrir" në Kajro u kthyer në simbol të forcës së protestave të cilat detyruan Mubarakun të japë dorëheqjen. Ushtria përgjithësisht ka luajtur një rol neutral në protestat e mëparshme.

Latest News