Protestuesit egjiptianë në shesh edhe pas bisedimeve

07 February 2011 , Posted by artparadox at 11:01 AM


Bisedimet mes qeverisë dhe grupeve opozitare për zgjidhjen e krizës në Egjipt kanë dështuar ti japin fund protestave në qendër të Kajros.

E hëne 7 Shkurt 2011 11:02

Turma protestuesish, të cilët kanë zaptuar Sheshin Tahrir prej dy javësh, thonë se do të largohen vetëm pasi Presidenti Mubarak të japë dorëheqjen.
Qeveria ofroi një seri koncensionesh në bisedimet e të dielës, por opozita theksoi se nuk ishin të mjaftueshme. Presidenti amerikan, Barak Obama theksoi se Egjipti nuk do “të kthehet pas në atë ç’ishte”.
Grupet opozitare u takuan dje me qeverinë për të diskutuar lidhur me zgjidhjen e ngërçit që ka paralizuar vendin dhe që ka lënë pas mbi 300 të vdekur.
Bisedimet u drejtuan nga zv/presidenti Omar Suleiman, dhe në to morën pjesë gjashtë grupe opozitare, përfshirë edhe Vëllazërinë Myslimane, lëvizje e ndaluar në Egjipt, e cila merr pjesë për herë të parë në bisedime.
Për momentin, bisedimet nuk duken se do të shpien gjëkundi./Start/F. Prroni/

Latest News